- Aftonbladet
26.06.2004
-raporta vuostas kursa Borgemanus
TV programm 'Ut I naturen',
21.09.2004
Sámi árbevirolaš málesteapmi
Bohcco, sarvva/ealga, rievsaha ja juovlaherskuid
Laila Spik oahpaha
Skábmamánu 19. – 21. b.
Deanu joatkaskuvlla, Bonjákas, Finnmárkkus
Laila lea gurretmeahttun diehtogáldu, og lea sáhka sámi árbevirolaš dieđuid luonddu šattuid borramušráhkadeapmáii ja dálodeapmáii. Su máttut eai leat diktán vajáldahttojuvvot, dieđu mo juohke šattu geavaha, sihke jeahkáliid, sámmáliid ja ruohttasiid. Jurdaga vuođđun lea ahte ii miige maid sáhttá geavahit galgga bálkestuvvot. Iige luonddu galgga skuordnidit. Son lea heivehan dáid dološ čehppodagaid dán áiggi dárbbuid ja máisttu mielde. Su borramuš ráhkadepmi lea gorŋon gástronomalaš dássáii. Su mállásin herskostaddat lea álu ávvu boddu. Bures boahtin herskostaddat.
Prográmma:
Gielat leat davvisámi- ja ruoŧagiella.
Kursa áiggit:
Bearjadat veaigin di. 15- kl. 21
Lávvardaga ja Sotnabeaivve: di. 10- kl. 17
Juohke beaivve lea olles prográmma ja dan sáhttá čuovvut erenoamášit. Juohke bargobádje beaivvi maŋŋá oasseváldit ožžot duodaštusa man Laila Spik vuolláičállá.
Laila Spik birra:
Laila lea cohkkirasas eret, su bearrašis leat doalahan árbevirolaš sámi málesteami. Maiddái sohka mii bodii Guovdageainnus lea buktán árbevirolaš málestandáiddu maid Laila lea árben.
Buot dáid cehppodagaid lea Laila doalahan ja seammás ovdánahttán dáid dološ goansttaid otná odda áigge alla dási gastronomalaš máleasteapmái.Su virgi otne lea kulturbargi. Son málesta maid stuorra joavkkuida dehálaš konferansaiin, ja cilge daidda Sámi kultuvrra birra.
Son lea álmmuhan girjji Sámik 2002: «Den Samiske Vandringsrösten- Jeg är kunskapen».
Dán jagi oaccui son Ruoŧa gastronomalaš akademias bálkkašumi iežas barggu ovddas.
Mis lea referansa dokumeanta.
Gean várás dát bargobádji
Buohkat sáhttet boahtit. Laila sáhttá bargobáji oasseváldiid čehppodaga ja málestan dáiddu mielde oahpahit bargobájis.
Dát bargobájit leat erenoamášit miellagiddevaččat sidjiide geat jo barget borramušaiguin ámmát dásis: Fállet biepmu turisttaide, kafeain ja resturanttain. Sii sáhttet čehppodahttit iežaset gastronomalaš dássaii.
Olbmot geain ii leat nu ollu hárjáneapmi málestit nagodit maid čuovvut bargobáji.
Boađe oaidnit maid don sáhtašit oahppat, Laila gal lea geahččalan veara.
Bargobájis maid lea vejolaš čatnat oktavuođaid Lailan, ja boahttevaš bargobájit sáhttet plánejuvvot.
Máksu ja registreren:
Bargobádji: 600,- NOK beaivvi.
Sáhttá juohke bargobádjebeaivái sierra searvat. Jos bargobádje máksu lea váttis, válde oktavuođa várra mii gávdnat čovosa. Teadja ja káffe guosohuvvo nuvttá.
Bargobádjái ja ávvu mállásida ferte dieđihit iežas.
Bargobáji oasseváldit fertejit máksit ovdalgihtii 450,- NOK juohke bargobádje beaivvi ovddas ovdalgihtii Hommát kontui 4930 12 09028, IBAN: NO 19 4930 120902, SWIFT/BIC: SNOWNO22. Dán ruđa fitne ruovttoluotta dušše jos bargobádji ii šatta čađahuvvot.
Válde oktavuođa tel/faksa +47 78928788 dahje mobil ja sms +47 99380409 dahje email
Bargobádji lágiduvvo Hommat fitnodagas mii gullá Niillas A. Somby.
Jos dárbbašat eambo dieđu, válde oktavuođa minguin.
